يبحث جمهور الفنان احمد العوضي، عن أخر أخباره عبر محرك البحث جوجل، اليوم الأربعاء 8 مايو، بعدما تصدر لقاء الفنانة ياسمين عبدالعزيز مع الفنانة إسعاد يونس الترند خلال الأيام لأخيرة. 

وحلت النجمة ياسمين عبد العزيز، ضيفة في برنامج "صاحبة السعادة" المذاع على قناة Dmc، التي تقدمه الفنانة والإعلامية إسعاد يونس، عن أسباب انفصالها عن أحمد العوضي قالت ياسمين عبد العزيز: "بعيد عن إن فيه سبب من الأسباب ما ينفعش نتكلم فيه، ومش خيانة أقسم بالله مش خيانة، عشان فيه ناس مؤذية كتير مش وراهم غير إنهم يأذوني".

وتابعت ياسمين عبد العزيز: "أنا مش هينفع أتكلم في تفاصيل والناس حبانا مع بعض، وفيه ناس حقودين وبيوقعوا لأنهم ما يعرفوش يعنى إيه حب، وجواهم كره".

وعن مناسبة مقابلتها معه في سحور برمضان، قالت: "ما اتقابلناش، كل واحد جه في وقت، والفيديوهات على النت متركبة".

وبسؤالها لو رأته في حفلة عامة قالت ياسمين عبد العزيز: "مش عارفة أنا بهرب طول الوقت وأفتح فيسبوك ألاقى ناس منزلة صور وإحنا حاضنين بعض أو فيديوهات، والمشكلة إن الحاجات دي بتوجع وبتخلي الواحدة تفكر في اللي فات".

وتابعت ياسمين عبد العزيز: "أنا بسيب الحاجة على ربنا واللي عايزه يمشيني في أي سكة أنا بكون راضية حتى لو مش على رغبتي".

وتحدثت ياسمين عبد العزيز عن علاقتها بالفنان أحمد العوضي قائلة: "أنا مع أحمد لما حبيته اكتشفت إن أنا ما كنتش بحب قبل كده".

وأضافت ياسمين عبد العزيز: "يعنى الحب اللي قبل كده أنا ما حبيتش، وإن أحمد أول حب في حياتي وهو الحب الحقيقي".

وعن علاقتها بالفنان أحمد العوضي قالت ياسمين عبد العزيز باكية: "أنا مش بحب أحمد أنا بعشقه"، وعاتبت إسعاد يونس: انتي جايباني عشان أعيط وبتضحكي عليا بحاجات بتوجعني ومش عارفة أنا بقيت رقيقة كده ليه ما كنتش كده والله".